१३ चैत्र २०७९ सोमबार
अनुप योञ्जन
बेलबारी – नेपालका चर्चित ब्याण्ड १९७४ एडिले आउदो चैत १८ गते शनिबार मोरंगको बेलबारी १० भाउन्नेमा सांगीतिक कन्सर्ट गर्ने भएको छ ।
डागिहाट फुटबल क्लब बेलाबरीको आयोजनामा बेलबारी- १० भाउन्नेमा रहेको प्रस्तावित डागिहाट रंगशालामा उक्त सांगीतिक कन्सर्ट हुन लागेको हो ।
स्थानिय युवा लक्षित सांगीतिक कन्सर्टमा युवाहरुलाई खेलकुदको माध्यमबाट विकृति-विसंगति संगसंगै दुर्व्यसनिबाट टाढा राख्न समाज र देश प्रति उत्तरदायी बनि स्वास्थ्य युवा सहितको सुन्दर डागिहाट बेलाबरी बनाउने र बेलबारीको आन्तरिक तथा बाह्य पर्यटन भित्र्याई पर्यापर्यटनमा टेवा पुर्याउने मुख्य उदेश्य सहित सांगीतिक कार्यक्रमको आयोजना हुन लागेको कार्यक्रमका संयोजक छत्र बहादुर लिम्बुले जानकारी गराए ।
उक्त सांगीतिक कन्सर्टलाई थप रोचक र मनोरंजन प्रदान दिलाउन कन्सर्टका लागि (होस्ट) संचालिका पुर्व मिस नेपाल एवं टेलिभिजन प्रस्तोता माल्भिका सुब्बाका साथ महेश लिम्बुको बिशेष प्रस्तुति हुने समेत लिम्बुले बताउनु भयो।
सांगितक कन्सर्ट साझ ५ बजे बाट चल्नेछ भने प्रबेश शुल्क प्रति व्यक्ति रु ५०० पाच सय रहेको आयोजक कमिटिका एक सदस्यले जानकारी गराए।